行程：頂部 tab 切換返工／返觀塘／返藍田等行程，每個行程有自己嘅接駁線同快車；管理面板可新增／改名／刪除行程。
自訂路線：撳「管理監控路線」可加減接駁線同快車。輸入路線號→揀方向→揀上／落車站（即時讀九巴開放數據；龍運／專線小巴唔喺呢個數據源）。接駁線要揀「上車站」同「落車站(樞紐)」，勾「直達」即係唔轉車、落車站＝目的地；快車揀「上車站」，可設「到目的地車程」——組合按預計到達時間排序，設咗先可以同直達線公平比較。
營辦商色柱：路線號兩側嘅色條代表營辦商 —— 黃城巴、綠專線小巴；九巴唔標（佔絕大多數，逐條標反而變噪音）。左右唔同色即係聯營線（例如 101 九巴×城巴），而且**左柱＝開緊呢班車嗰間** —— 101 下一班係城巴車就左黃右紅、係九巴車就左紅右黃。等緊嘅係小巴定巴士會影響上車方式（小巴要截手、冇企位），所以每個顯示路線號嘅位都會標。聯營線兩間嘅實時數據覆蓋範圍唔一樣，所以 app 會**兩邊 API 都拉再合併**，唔會漏班次。
星標：判斷卡右上角 ☆、時間線詳情卡、清單接駁線每行都可以星標一個具體方案（呢班接駁車 → 呢班快車）。判斷卡會跟實時數據跳建議，但星標咗嘅方案會釘喺判斷卡下面持續追蹤：幾點開、接邊班、等幾耐；上車之後轉「行程中」（到樞紐時間用落車站實時預報修正），原定快車接唔切會自動改接下一班並標明「改接」；到達後自動清走。每個行程最多 3 個，星星中間嘅數字係編號，時間線同清單都會標返同一個 ★n。
自動配對：任何接駁線嘅落車站，同任何快車嘅上車站相距 ≤300 米，就當可以喺嗰度轉乘。每個轉乘嘅有效緩衝＝「接駁緩衝」同「步行時間（距離÷75米/分）」較大者，遠嘅轉乘唔會誤判接得切。
實時車程：同時查上／落車站 ETA，offset＋中位數差分（反映塞車）；計唔到用後備值。趨勢：逐點記錄，波幅大＝最唔穩。
數據：data.etabus.gov.hk。需正常瀏覽器連線；KMB 唔公開車輛 GPS／車牌，差分屬估算。